அத்திப்பழம் மில்க்க்ஷேக் , ரொம்ப எளிதாக செய்யக்கூடிய ஹெல்த்தியான ஒரு சூப்பர் மில்க்க்ஷேக்.அத்திப்பழத்தில் நம் உடலுக்கு தேவையான முக்கியமான வைட்டமின்ஸ் நிறைய இருக்கு,அதனால் அதனை கூடுமானவரை நமது உணவில் சேர்த்து கொள்வது ரொம்ப நல்லது.அதுவும் வளரும் குழந்தைகளுக்கு அத்திப்பழம் ரொம்ப நல்ல ஒரு உணவு. ஆனால் அத்திப்பழத்தை அப்படியே கொடுத்தால் எல்லாரும் சாப்பிட கொஞ்சம் கஷ்டப்படுவாங்க, அதற்குப்பதிலாக இப்படி மில்க்க்ஷேக் செய்து கொடுத்து பாருங்க,கிளாஸ் இப்படி காலி ஆச்சுன்னு ஆச்சரியப்படுவிங்க.வாங்க இப்போ அத்திப்பழம் மில்க்க்ஷேக் எப்படி செய்வதுனு பார்க்கலாம்.

அத்திப்பழம் மில்க் க்ஷேக் | Fig Milkshake

Preparation Time : 20 mins | Cooking Time : 0 mins | Serves : 2 
Recipe Category: Drinks | Recipe Cuisine: Indian

தேவையான பொருட்கள்
அத்திப்பழம் - 6
சூடு தண்ணீர் - 1/2 கப் 
பால் - 1 கப் 
தேன் - தேவையானளவு 

செய்முறை

முதலில் சூடு தண்ணீரில் அத்திப்பழத்தை ஒரு 20 நிமிடம் ஊறவைக்கவும். பின் ஊறவைத்த தண்ணீருடன் அத்திப்பழத்தை மிக்ஸி ஜாரில் போட்டு உடவே தேவையானளவு தேன் சேர்த்து நன்கு மைய அரைத்துக்கொள்ளவும்.அடுத்து தேவையானளவு பால் சேர்த்து மீண்டும் ஒருமுறை நன்கு மிக்ஸில் அடித்து கொள்ளவும்.சுவையான மற்றும் சத்தான அத்திப்பழம் மில்க்க்ஷேக் தயார். 

குறிப்புக்கள்:

• அத்திப்பழத்தை ஊறவைப்பதால் ரொம்ப சுலபமாக அரைத்து கொள்ள முடியும்
• அத்திப்பழம் நன்கு இனிப்பாக இருந்தால் தேன் கூட தேவையிருக்காது,அத்திப்பழம் இனிப்பே போதுமானதாக இருக்கும்.
• தேனுக்கு பதில் சர்க்கரை கூட சேர்த்து கொள்ளலாம்.