Tuesday, September 11, 2018

கொழுக்கட்டை மாவில் பிள்ளையார் சிலை செய்வது எப்படி??

வீட்டிலே பிள்ளையார் சிலை செய்வது எப்படி இந்த பதிவில் பார்க்கலாம் வாங்க. கொழுக்கட்டை மாவை கொண்டு ரொம்ப சூப்பரா வீட்டிலே இந்த  பிள்ளையார் சிலை செய்துவிடலாம், இதற்கு  என்று தனியாக எதுவும் பொருட்கள் வாங்க தேவையில்லை. கொஞ்சம் கலர்புல்லாக இருக்கட்டும் என்பதற்காக நான் கொழுக்கட்டை மாவில் கலர் சேர்த்துள்ளேன் ஆனால் கலர் சேர்க்காமலும் இதனை செய்தாலும் பார்க்க ரொம்ப அழகா தான் இருக்கும். நீங்களும் வரும் பிள்ளையார் சதுர்த்திக்கு செய்து பாருங்கள்.

கொழுக்கட்டை மாவில் பிள்ளையார் சிலை செய்வது எப்படி??

Preparation Time : 20 mins | Cooking Time : 0 minsMakes :
Recipe Category: Idol | Recipe Cuisine: Indian
தேவையான பொருட்கள்
அரிசி மாவு - 1/2 கப் 
சூடு தண்ணீர் - 1/2 கப்-க்கு கொஞ்சம் கம்மியாக 
நல்லெண்ணெய்  - 1 டீஸ்பூன் 

செய்முறை
முதலில் அரிசி மாவை ஒரு பாத்திரத்தில் எடுத்து கொள்ளவும்,கூடவே எண்ணெய் சேர்த்து நன்கு கலந்து கொள்ளவும், அடுத்து அதில் நன்கு கொதிக்கும் தண்ணீரை சேர்த்து கெட்டியாக மாவை பிசைந்து கொள்ளவும்.தேவைக்கேற்ப மாவை இரண்டு பகுதியாக பிரித்து விருப்பபட்ட(நான் மஞ்சள் மற்றும் நீல கலர் சேர்த்துள்ளேன் ) கலரை சேர்த்து நன்கு கலந்து கொள்ளவும்.அடுத்து மஞ்சள் கலர் மாவை இரண்டு உருண்டைகளாக உருட்டி கொள்ளவும். அதில் ஒரு உருண்டை கொஞ்சம் பெருசா இருக்கும் மாதிரி பார்த்து கொள்ளவும். பெரிய உருண்டையை கீழே வைத்து அடுத்த உருண்டையை மேலே வைக்கவும் நன்கு ஓட்டும் வரை லேசாக அழுத்திக்கொள்ளவும் . அடுத்து ஒரு சிறு துண்டு மாவை எடுத்து காது மாதிரி செய்துகொள்ளவும்.அதனை மேல் உருண்டைகளின் சைடு-யில் ஒட்டி கொள்ளவும்.அடுத்து கை பகுதி செய்து கொள்ளவும். அதில் நுனி பகுதி தட்டையாக இருக்கும் மாதிரி பார்த்துக்கொள்ளவும்.அதனை பிள்ளையாரின் இடது காதுக்கு கீழே ஒட்டி கொள்ளவும். அதே மாதிரி அடுத்த கையை செய்து ஒட்டி கொள்ளவும். அதில் முன்பகுதி தட்டையாக இருக்கும் மாதிரி பார்த்துக்கொள்ளவும்.அடுத்து சிறு சிறு உருண்டைகளாக உருட்டி கொழுக்கட்டை மாதிரி கையில் வைக்கவும்.அடுத்து தும்பிகைக்கு தேவையான மாவை எடுத்து நீளமா உருட்டி கொள்ளவும்.அதனை இரண்டு காதுகளுக்கு இடையே ஒட்டி கொள்ளவும். அடுத்து நீல கலர் மாவை எடுத்து கால் பகுதி செய்து கொள்ளவும்.கால் பகுதியை இரண்டு பக்கமும் ஒட்டி கொள்ளவும். நுனி பகுதியில் கொஞ்சம் மஞ்சள் கலர் மாவை எடுத்து பாதம் போல் ஒட்டி கொள்ளவும். நீல கலர் மாவை எடுத்து தந்தம் மாதிரி வைத்து கொள்ளவும். அடுத்து நீல மற்றும் மஞ்சள் கலர் மாவை கொண்டு கீரிடம் மாதிரி செய்துகொள்ளவும். கடைசியாக கடுகை கண் மாதிரி வைத்து கொள்ளவும்.சூப்பர் பிள்ளையார் சிலை தயார்.
குறிப்புக்கள்:

  • நன்கு நைசாக அரிசி மாவை பயன்படுத்தி கொள்ளவும்.
  • நன்கு கொதிக்கும் தண்ணீரை மாவு பிசைவதற்கு பயன்படுத்தவும்.அப்போதுதான் மாவு நன்கு மிருதுவாக இருக்கும்.
  • கலர் இல்லாமல் கூட இதே மாதிரி செய்யலாம்.

Read more »

இனிப்பு மணி கொழுக்கட்டை | Sweet Mani Kozhukattai

மணி கொழுக்கட்டை,ரொம்ப சுலபமாக செய்யக்கூடிய ஒரு கொழுக்கட்டை ரெசிபி. வரும் விநாயகர் சதுர்த்திக்கு, புதுசா சமையல் செய்றவங்க மோதக கொழுக்கட்டை செய்வது கொஞ்சம் கடினம்னு நெனைச்சீங்கனா, உங்களுக்கு  இந்த மணி கொழுக்கட்டை ரெசிபி ரொம்ப உபயோகமாக இருக்கும். இந்த கொழுக்கட்டைக்கு சிறு சிறு உருண்டைகளாக உருட்டுவதற்கு தான் கொஞ்சம் நேரம் ஆகும் மற்றபடி ரொம்ப சீக்கரம் செய்யக்கூடிய ஒரு இனிப்பு கொழுக்கட்டை. வாங்க இப்போ எப்படி செய்றதுன்னு பார்க்கலாம்.

இனிப்பு மணி கொழுக்கட்டை | Sweet Mani Kozhukattai

Preparation Time : 10 mins | Cooking Time : 10 minsServes :
Recipe Category: Sweet | Recipe Cuisine: Indian
தேவையான பொருட்கள்
அரிசி மாவு - 1/2 கப் 
சூடு தண்ணீர் - 1/2 கப்-க்கு கொஞ்சம் கம்மியாக 
நல்லெண்ணெய்  - 2 டீஸ்பூன் 
உப்பு - தேவையானளவு 
ஏலக்காய் - 1 
வெல்லம் - 1/4 கப் 
துருவிய தேங்காய் -1 டேபிள் ஸ்பூன் 
வெள்ளை எள்ளு - 1 டீஸ்பூன் 

செய்முறை
முதலில் மாவை ஒரு பாத்திரத்தில் எடுத்து கொள்ளவும்,கூடவே அதில் உப்பு மற்றும் எண்ணெய் சேர்த்து நன்கு கலந்து கொள்ளவும் ,அடுத்து அதில் நன்கு கொதிக்கும் தண்ணீரை சேர்த்து கெட்டியாக மாவை பிசைந்து கொள்ளவும்.அடுத்து அதனை சிறு சிறு உருண்டைகளாக உருட்டி கொள்ளவும். பின் இட்லி சட்டியில்/வேக வைக்கும் பாத்திரத்தில் ஒரு 8-10 நிமிடம் வேகவைத்து எடுக்கவும்.ஒரு பாத்திரத்தில்  வெல்லம் மற்றும் அது மூழ்கும் வரை  தண்ணீர் சேர்த்து வெல்லம்  கரையும் வரை கொதிக்க விடவும்.வெல்லம் கரைந்த பின் அதனை வடிகட்டி எடுத்துக்கொள்ளவும் அடுத்து ஒரு கடாயில் எள்ளை நன்கு வாசம் வரும் வரை வறுத்து எடுத்துக்கொள்ளவும். பின் வெல்ல கரைசலை ஊற்றி பிசுக்கு பதம் வரும்வரை கொதிக்க விடவும்.அடுத்து அதில் ஏலக்காய்,எள்ளு மற்றும் வேகவைத்த கொழுக்கட்டையை சேர்த்து கொள்ளவும்.நன்கு வெல்ல பாகு கொழுக்கட்டையில் ஓட்டும் வரை கலந்து கொள்ளவும் .கடைசியாக தேங்காயை சேர்த்து கலந்து அடுப்பிலிருந்து இறக்கி விடவும்.சுவையான இனிப்பு மணி கொழுக்கட்டை தயார்.
குறிப்புக்கள் 
  • நன்கு கொதிக்கும் தண்ணீரை மாவு பிசைவதற்கு பயன்படுத்தவும்.அப்போதுதான் மாவு நன்கு மிருதுவாக இருக்கும்.
  • நன்கு கையில் எண்ணெய் தடவி கொள்ளவும்,அப்போதுதான் கொழுக்கட்டை ஒட்டாமல் உருட்ட  வரும். 
  • எள்ளு நன்கு வாசம் வரும் வரை வறுத்தால் போதும்.

Read more »

Sunday, September 9, 2018

வேர்க்கடலை கொழுக்கட்டை | Peanut Kozhukattai

வேர்க்கடலை பூர்ண கொழுக்கட்டை, சுவையான மற்றும் ரொம்ப சுலபமாக செய்யக்கூடிய ஒரு மோதக கொழுக்கட்டை. கடலை பருப்பு பூர்ண கொழுக்கட்டை செய்வதை விட இந்த வேர்க்கடலை பூர்ண கொழுக்கட்டை பூர்ண கொழுக்கட்டை செய்வது ரொம்ப ஈசி. வறுத்த வேர்க்கடலை இருந்தால் போதும் ஒரு 20 நிமிடத்தில் இந்த கொழுக்கட்டை தயார்,சுவையும் ரொம்ப நன்றாக இருக்கும். உங்களுக்கு வேர்க்கடலை சுவை பிடிக்கும் என்றால் கண்டிப்பாக வரும் விநாயர் சதுர்த்திக்கு இந்த மோதக கொழுக்கட்டையை செய்து பாருங்கள், குட்டிஸ் முதல் பெரியவர்கள் வரை எல்லாரும் ரொம்ப விரும்பி சாப்பிடுவாங்க.

வேர்க்கடலை கொழுக்கட்டை | Peanut Kozhukattai

Preparation Time : 10 mins | Cooking Time : 20 minsMakes :
Recipe Category: Sweet | Recipe Cuisine: Indian
தேவையான பொருட்கள்
வேர்க்கடலை - 1/4 கப்
துருவிய தேங்காய் -2 டேபிள் ஸ்பூன் 
ஏலக்காய் - 1 
வெல்லம் - 1/4 கப் (கோபுரமாக)
மேல் மாவிற்கு தேவையான பொருட்கள் 
அரிசி மாவு - 1/2 கப் 
சூடு தண்ணீர் - 1/2 கப்-க்கு கொஞ்சம் கம்மியாக 
நல்லெண்ணெய்  - 2 டீஸ்பூன் 
உப்பு - தேவையானளவு 


செய்முறை
முதலில் வெறும் வாணலில் வேர்க்கடலையை நன்கு சிவக்க வறுத்து எடுத்துக்கொள்ளவும்.பின் ஒரு கடாயில் வெல்லம் மற்றும் அது மூழ்கும் வரை  தண்ணீர் சேர்த்து வெல்லம்  கரையும் வரை கொதிக்க விடவும்.இதற்கிடையில் வேர்க்கடலையை மிக்ஸி ஜாரில் போட்டு நைசாக பொடித்து கொள்ளவும்.அதனை வெல்ல பாகுடன் சேர்த்து கொள்ளவும்,கூடவே தேங்காய் துருவைளையும் சேர்த்து நன்கு கலந்து கொள்ளவும்.இந்த கலவையை அடுப்பில் ஒரு 2-3 நிமிடம் வரை / நன்கு கெட்டியாகும் வரை கிளறி இறக்கவும்.இப்போது மேல் மாவிற்கு தேவையான மாவை ஒரு பாத்திரத்தில் எடுத்து கொள்ளவும்,கூடவே அதில் உப்பு மற்றும் எண்ணெய் சேர்த்து நன்கு கலந்து கொள்ளவும் ,அடுத்து அதில் நன்கு கொதிக்கும் தண்ணீரை சேர்த்து கெட்டியாக மாவை பிசைந்து கொள்ளவும். பின் அதனையும் சிறு சிறு உருண்டைகளாக உருட்டி கொள்ளவும். கையில் நன்கு எண்ணெய் தடவி கொள்ளவும்,ஒரு மாவு உருண்டையை எடுத்து விரல்களால் அழுத்தி சிறு கிண்ணம் போல  செய்து கொள்ளவும்.அதில் தேவையானளவு பூரணத்தை வைத்து நன்கு மேல் மாவால் மூடிக்கொள்ளவும்.இதே மாதிரி அனைத்தையும் மோதக கொழுக்கட்டையாக செய்து கொள்ளவும். பின் இட்லி சட்டியில்/வேக வைக்கும் பாத்திரத்தில் ஒரு 8-10 நிமிடம் வேகவைத்து எடுக்கவும்.சுவையான வேர்க்கடலை கொழுக்கட்டை தயார்.
குறிப்புக்கள் 

  • வறுத்த வேர்கடலையாக இருந்தால் மீண்டும் வறுக்க தேவையில்லை.
  • வேர்க்கடலை தோலுடன் இருந்தால் அதனை நீக்கிய பின் பயன்படுத்தவும்.

Read more »

Thursday, September 6, 2018

கார பிடி கொழுக்கட்டை | Kara Pidi Kozhukattai

கார பிடிகொழுக்கட்டை, சுவையான எளிதில் செய்யக்கூடிய ஒரு ஹெல்த்தியான ஸ்னாக்ஸ். இதனை  சாயங்காலம்  ஸ்னாக்ஸ்- ஆகா அல்லது காலை டிபன்-ஆகா சட்னி-யுடன் சாப்பிட அருமையாக இருக்கும். அதுமட்டுமின்றி வரும் விநாயகர் சதுர்த்திக்கு, புதுசா சமையல் செய்றவங்க மோதக கொழுக்கட்டை செய்வது கொஞ்சம் கடினம்னு நெனைச்சீங்கனா, உங்களுக்கு  இந்த பிடிகொழுக்கட்டை ரெசிபி ரொம்ப உபயோகமாக இருக்கும். இதனை செய்வது ரொம்ப சுலபம், மிக குறைவான நேரத்தில் சட்டுனு செய்து முடிச்சிடலாம், வாங்க இப்போ இந்த கார கொழுக்கட்டை எப்படி செய்வதுனு பார்க்கலாம்.

கார பிடி கொழுக்கட்டை | Kara Pidi Kozhukattai

Preparation Time : 5 mins | Cooking Time : 10 minsServes :
Recipe Category: Snacks | Recipe Cuisine: Indian
தேவையான பொருட்கள்
அரிசி மாவு  - 1 கப் 
தண்ணீர் - 3/4 - 1 கப் 
துருவிய தேங்காய் - 2 டேபிள் ஸ்பூன் 
தாளிக்க 
நல்லெண்ணெய் - 1 டீஸ்பூன் 
கடுகு மற்றும் உளுந்த பருப்பு - 1/4 டீஸ்பூன் 
கடலை பருப்பு - 1 டீஸ்பூன் 
கறிவேப்பில்லை - சிறுதளவு 
காய்ந்த மிளகாய் -1 (பொடியாக நறுக்கி கொள்ளவும் )


செய்முறை
முதலில் ஒரு கடாயில், எண்ணெய் ஊற்றி தாளிக்க கொடுத்த பொருட்களை ஒவ்வொன்றாக போட்டு தாளித்து கொள்ளவும்.பின் அதில் தண்ணீர் ஊற்றி உடவே தேவையானளவு உப்பு சேர்த்து  நன்கு கொதி வர விடவும்.அதில் அரிசி மாவு மற்றும் தேங்காய் சேர்த்து நன்கு கிளறி எல்லாம் ஒன்றாக சேர்த்து வந்த பின் இறக்கி கொள்ளவும்.சிறு நேரம் மூடி வைத்து கை பொறுக்கும் சூடு வரும்வரை காத்திருக்கவும்.பின் சிறு சிறு உருண்டைகளாக எடுத்து கொழுக்கட்டை பிடித்து கொள்ளவும்.எண்ணெய் தடவிய இட்லி தட்டில் வைத்து ஒரு 8-10 நிமிடம் வேகவைத்து எடுக்கவும்.சுவையான கார பிடி கொழுக்கட்டை தயார்.
குறிப்புக்கள் 
  • அரிசி மாவை பொறுத்து 3/4- 1 கப் வரை தண்ணீர் தேவைப்படும்.
  • நல்லெண்ணெய் நல்ல மணத்தை இந்த கொழுக்கட்டைக்கு கொடுக்கும்.

Read more »

Tuesday, September 4, 2018

பூர்ண கொழுக்கட்டை| மோதக கொழுக்கட்டை | Mothagam Kozhukattai

பூர்ண கொழுக்கட்டை/மோதக கொழுக்கட்டை, சுவையான கடலை பருப்பு பூரணம் கொண்டு செய்யப்படும் ஒரு பாரம்பரியமான கொழுக்கட்டை. விநாயகர் சதுர்த்திக்கு செய்யப்படும் கொழுக்கட்டைகளில் இந்த மோதக கொழுக்கட்டை ரொம்ப பிரசித்தம். பிடி கொழுக்கட்டை செய்வதை காட்டிலும் இதற்கு கொஞ்சம் நேரம் எடுத்தாலும், இதன் சுவை ரொம்ப நன்றாக இருக்கும். சிலபேருக்கு இந்த கொழுக்கட்டை செய்யும்போது மேல் மாவு வெடித்து வெடித்து போகுதுனு சொல்லி கேள்விப்பட்டிருகேன், எனக்கு ஆரம்பத்தில் அப்படி தான் ஆச்சு,அப்புறம் செய்ய செய்ய அதனுடைய நுணுக்கம் தெரிந்தது, அதை எல்லாம் இன்னைக்கு  இந்த பதிவில் ஷேர் பண்ணி இருக்கேன், விளக்கமான ஸ்டெப் பை ஸ்டெப் புகைப்படம் உங்களுக்கு இன்னும் கொஞ்சம் உதவியாக இருக்கும். வாங்க எப்போ எப்படி இந்த பூர்ண கொழுக்கட்டைசெய்யுறதுனு பார்க்கலாம்.

பூர்ண கொழுக்கட்டை| மோதக கொழுக்கட்டை

Preparation Time : 30 mins | Cooking Time : 20 minsMakes : 12 
Recipe Category: Sweet | Recipe Cuisine: Indian
தேவையான பொருட்கள்
பூர்ணத்துக்கு தேவையான பொருட்கள் 
கடலை பருப்பு - 1/2 கப் 
துருவிய தேங்காய் - 3 டேபிள் ஸ்பூன் 
ஏலக்காய் - 2 
வெல்லம் - 1/2 கப் 
மேல் மாவிற்கு தேவையான பொருட்கள்
அரிசி மாவு - 1 கப் 
சூடு தண்ணீர் - 3/4 -1 கப்
நல்லெண்ணெய்  - 2 டீஸ்பூன் 
உப்பு - தேவையானளவு 

செய்முறை
முதலில் கடலை பருப்பை  ஒரு 1/2 மணி நேரம் ஊற வைக்கவும்.அடுத்து ஒரு பாத்திரத்தில் தண்ணீர் கொதிக்க வைத்து அதில் கடலைப்பருப்பை சேர்த்து வேகவிடவும்.கடலை பருப்பை எடுத்து விரல்களில் இடையே வைத்து அழுத்தினால் மைய வேண்டும், அந்த பதத்தில் கடலை பருப்பை அடுப்பிலிருந்து இறக்கி தண்ணீரை வடித்து நன்கு ஒரு துணியில்/அல்லது tissue பேப்பர்-ல் உலர விடவும்.கடலை பருப்பு லேசாக உலர்ந்த பின் அதை மிக்ஸி ஜாரில் சேர்த்து பொடித்து கொள்ளவும்.பின் ஒரு கடாயில் வெல்லம் மற்றும் அது மூழ்கும் வரை தண்ணீர் சேர்த்து வெல்லம்  கரையும் வரை கொதிக்க விடவும்.பொடித்த ஏலக்காயை அதில் சேர்த்து கொள்ளவும்.அடுத்து அதில் பொடித்த கடலைப்பருப்பு மற்றும் தேங்காய் சேர்த்து நன்கு கிளறி கொள்ளவும்.பூர்ணம் நன்கு கெட்டியாக வந்தவுடன் அடுப்பிலிருந்து இறக்கி ஆறியபின் சிறு சிறு உருண்டைகளாக உருட்டி கொள்ளவும்.இப்போது மேல் மாவிற்கு தேவையான மாவை ஒரு பாத்திரத்தில் எடுத்து கொள்ளவும்,கூடவே அதில் உப்பு மற்றும் எண்ணெய் சேர்த்து நன்கு கலந்து கொள்ளவும் ,அடுத்து அதில் நன்கு கொதிக்கும் தண்ணீரை சேர்த்து கெட்டியாக மாவை பிசைந்து கொள்ளவும். பின் அதனையும் சிறு சிறு உருண்டைகளாக உருட்டி கொள்ளவும். கையில் நன்கு எண்ணெய் தடவி கொள்ளவும்,ஒரு மாவு உருண்டையை எடுத்து விரல்களால் அழுத்தி சிறு கிண்ணம் போல  செய்து கொள்ளவும்.அதில் ஒரு பூரண உருண்டையை வைத்து நன்கு மேல் மாவால் மூடிக்கொள்ளவும்.இதே மாதிரி அனைத்தையும் மோதக கொழுக்கட்டையாக செய்து கொள்ளவும். பின் இட்லி சட்டியில்/வேக வைக்கும் பாத்திரத்தில் ஒரு 8-10 நிமிடம் வேகவைத்து எடுக்கவும்.சுவையான பூர்ண கொழுக்கட்டை/மோதக கொழுக்கட்டை தயார்.
குறிப்புக்கள் 
  • மேல் மாவிற்கு நன்கு நைசாக அரிசி மாவை பயன்படுத்தி கொள்ளவும்.
  • வெல்லத்தில் தூசி இருந்தால் வெல்லம் கரைந்த பின் அதனை ஒருமுறை வடிகட்டிக்கொள்ளவும்.
  • கொழுக்கட்டை செய்யும் போதும் மீதி மாவை ஒரு ஈர துணியால் மூடிவைக்கவும்,அப்போது தான் மாவு மேலே காயாமல் இருக்கும்.
  • நன்கு கொதிக்கும் தண்ணீரை மாவு பிசைவதற்கு பயன்படுத்தவும்.அப்போதுதான் மாவு நன்கு மிருதுவாக இருக்கும்
  • நன்கு கையில் எண்ணெய் தடவி கொள்ளவும்,அப்போதுதான் கொழுக்கட்டை ஒட்டாமல் நன்றாக வரும்.

Read more »